Hvað er POWERtalk

POWERtalk er fyrir þá sem vilja bæta tjáskiptahæfileika sína í daglega lífinu og ná betri árangri í einkalífi og starfi. POWERtalk eru samtök sem búa yfir áratuga langri reynslu í að þjálfa einstaklinga í ræðumennsku og tjáningu. Starfsemi samtakanna og grunnþjálfun fer að langstærstum hluta fram í deildum, en kosið er í landsstjórn sem sér um rekstur samtakanna.

Deildirnar samanstanda af einstaklingum sem vilja bæta sig á ákveðnum sviðum og fá þeir þjálfun í formi jafningjafræðslu. Hornsteinn hennar er frammistöðu- og hæfnismat frá jafningjum.

Að tala á opinberum vettvangi vex mörgum svo í augum að tilhugsunin ein er ógnvekjandi. Það þarf ekki að vera þannig. Með skilvirkri einstaklingsþjálfun í POWERtalk getur þú náð þeirri færni og því öryggi sem þú óskar eftir á þeim hraða sem þú vilt. Þú öðlast öryggi til að standa á skoðunum þínum, yfirstíga kvíða, takast á við sviðsskrekk og heilla áheyrendur.

Þórunn Kristín Kjærbo